أري أن انفراد أي جهة أو تنظيم بالسلطة سيعود بنا للوراء أيا كان هذا التنظيم أو الجهة و لكن يجب أن يمثل الشعب بتياراته المختلفة في اتخاذ القرار. لا أريد أن أري في مصر أي استفتاء أو انتخابات نتيجتها فوق ال60%. و في النهاية نحترم جميعا رأي الشعب
و الأهم اننا ناخد بايد بعض و نحاول نتفاهم مش نخون بعض و نحارب بعض
و يا ريت بلاش نغمة أول ضربة جوية فحت باب الحرية تاني
الكل شارك
يمكن ناس بدأوا الدعوة للتظاهر
ناس نزلوا من أول يوم
ناس نزلوا تاني يوم
ناس صدوا هجوم البرابرة
ناس استشهدوا
ناس دورهم توعية
ناس دورهم مادي في الميدان
ناس و ناس وناس
كل واحد كان له دور
و لسه كل واحد له دور
العمل كان كبير أوي أوي
أكبر من أن حد ينسب الفضل فيه لنفسه بس
و اللي لسه فاضل برضه كتير أكتر من ان حد يشيله لوحده
ياريت نفكر تاني كلنا محتاجين بعض
ليست هناك تعليقات:
إرسال تعليق